Gå til hovedinnhold

Kinohaustens storsatsningar


Med alt fra Star Wars til Askeladden og Harry Hole på plakaten.

Haustsesongen byr som vanleg på ei rekke høgdepunkt på kino, og 2017 er ikkje noko unntak. Her er ei lita oversikt over haustens storfilmar, som er prega av superheltar, filmatiseringar av krimklassikarar og gjensyn med høgt elska sci fi-univers:

Kingsman: The Golden Circle

Premiere: 22. september

Den første filmen "Kingsman: The Secret Service" spelte inn over 414 millioner dollar på verdsbasis og vart sett av 137 000 besøkande her til lands. No er det knytt store forventningar til oppfølgaren til spionkomedia, som stadig har Matthew Vaughn i regien og kan skilte med eit stjernespekka kobbel av skodespelarar. Denne gongen finn dei britiske elitespionane ein alliert organisasjon i USA, i kampen mot ein felles fiende.

Askeladden - I Dovregubbens hall

Premiere: 29. september

Det vert ikkje spart på noko når vår kjente og kjære eventyrfigur Espen Askeladd skal boltre seg på det store lerretet. Med brødrene sine med på laget legg han ut på ei farefull ferd for å redde prinsessa frå sjølvaste Dovregubbben. Tittelrolla vert spelt av  Vebjørn Enger, kjent frå Jarle Klepp-filmene, og regien er ved Mikkel Brænne Sandemose ("Gåten Ragnarok", "Fritt vilt III").

Blade Runner 2049

Premiere: 4. oktober

Fans verda over tel ned dagane til premieren på oppfølgjaren til Ridley Scotts kultuklassiker "Blade Runner" frå 1982. Harrison Ford er tilbake i rolla som Rick Deckard og vi stifter bekjentskap med blant andre Jared Leto, Ryan Gosling og Robin Wright i nye roller. Handlinga utspeglar seg 30 år seinare,  kor ein ny blade runner (Gosling) må finne Rick som er forsvunnen for å hjelpe i ei sak som truar eksistensen til det vesle som står att av eit sivilisert samfunn. Ridley Scott er produsent, medan regien denne gongen er ved Denis Villeneuve.

Snømannen

Premiere: 13. oktober

Det er ikkje berre vi nordmenn, men krimelskarar over heile kloden, som sit klar på nåler når vi endeleg skal få oppleve Jo Nesbøs Harry Hole på det store lerretet. Den prisvinnande svenske filmskaparen Tomas Alfredson har regien og sjølvaste Harry vert spelt av Oscar-nominerte Michael Fassbender. Handlinga spring frå boka med same namn, den sjuande i rekka om politiførstebetjent Hole. Produksjonen er britisk, men filmen er i stor grad spelt inn i Norge.

Thor: Ragnarok

Premiere: 27. oktober

Den tredje filmen om Marvel sin velkjente norrøne superhelt møter hovedpersonen fengsla på andre sida av universet utan sin mektige hammar. Det haster med å komme seg heim for å avverge Ragnarok — den totale ødeleggelsen av Åsgard, som no vert kontrollert av den hensynslause Hela (Cate Blanchett). Chris Hemsworth gjer framleis tittelrolla og Tom Hiddleston returnerer som Loke.

 

Mord på Orientekspressen

Premiere: 1. desember

Agatha Christies velkjente krimroman er filmatisert på nytt, denne gongen med Kenneth Branagh i rolla som mesterdetektiv Hercule Poirot, i tillegg til å ha regien. På den stjernespekka rollelista står i tillegg Johnny Depp, Michelle Pfeiffer, Daisy Ridley, Willem Dafoe, Penélope Cruz og Judi Dench. Handlingen utspelar seg ombord på Orientekspressen, der Poirot må løyse ei drapsgåte før mordaren slår til igjen.

 

Star Wars: The Last Jedi

Premiere: 13. desember

Film nummer to i den nye Star Wars-trilogien er kanskje den av hausten sine filmer det er knytta mest forventningar til. Vi forlot Rey (Daisy Ridley) på ein klippe, ansikt til ansikt med sjølvaste Luke Skylwalker (stadig spilt av Mark Hamill) i den forrige filmen, og no skal hennar episke reise halde fram. Med seg på laget har ho framleis Finn (Joe Boyega) og Poe (Oscar Isaac).

 

Den 12. mann

Premiere: 25. desember

Jan Baalsruds utrulige flukt frå tyskerane skal på nytt opp på det store lerretet, 50 år etter Arne Skouens Oscar-nominerte "Ni liv", som tek føre seg same historie. Denne gongen er det Thomas Gullestad, kjent som "Fingeren" i Klovner i kamp, som spelar Baalsrud og regien er ved Harald Zwart.