Det er sju år sidan dette ensemblet samla seg i Kulturkirken Jakob for å skape ei heilt unik konsertoppleving – med tre av landets mest distinkte songarar har valt ut julesalmane dei likar aller best – og framføre dei saman med Tord Gustavsen og hans kvartett.

Kim Rysstad er songar og kvedar frå Rysstad i Setesdal, som med si stemmeprakt har sjarmert og imponert heile Noreg. Beate S. Lech er kanskje best kjend frå sitt eige band Beady Belle, men har lenge hatt eit nært forhold til både salmar og religiøse folketonar. Maria Mohn er en norsk songar frå Fredrikstad som har gjort seg bemerka både på teaterscener og kulturhus.

Tord Gustavsen er ein av landets mest anerkjende og særprega pianistar. På denne konserten har han med seg en handplukka kvartett musikarar frå øvste hylle av norsk improvisert musikk.

Konferansier på Julesalmekvelden er Erik Hillestad.

Billettar
Du kan kjøpe billettar på nettsida (sjå over, klikk på klokkeslettet), i kafeen på Ulstein Arena (Vikemyra 2, telefon 70 01 77 00, opningstider) og i Kinokiosken (ope 45 min før kvart arrangement).

Billettpris kr 520,-