Danse med skjebnen
Musikalsk reise basert på songane til Dance With a Stranger.
Vi er på ein ukjend stad ved havet. Den siste ferja har gått, men det er framleis lys i det slitne rommet. Her møtest tre menneske som søkjer seg bort og som lengtar etter noko dei ikkje heilt veit kva er.
Mannen kom akkurat for seint til siste avgang. Kvinna fyller opp kiosken sjølv om kundane er borte. Og ferjemannen dirigerer ein ferjekø tom for bilar. Det oppstår både humoristiske og underlege situasjonar når forsøka deira på å reise vidare stadig blir avbrote.
I det nedlagde rommet har eit band blitt sitjande lenge og nesten blitt ein del av inventaret. Gradvis finn dei tilbake til samspelet når dei tre ukjende kjem inn og byrjar å nøste i musikalske minne.
Danse med skjebnen er ei reise inn i eit mystisk og musikalsk univers der det kan vere uklart kva som er draum og kva som er verkelegheit. Stykket handlar om små forventningar som ikkje blir innfridde, og korleis ein kan kome seg vidare når alt verkar mørkt.
Dance With a Strangers songar og musikk er ryggrada i musikkteaterstykket Danse med skjebnen. Med dei folkekjære songane sine og tre spellemannprisar, er Dance With a Stranger ein del av nordmørsk og norsk musikkhistorie. I Danse med skjebnen er songane gjendikta til dialekt av Eli Stålhand, og Vidar Kvalshaug har skrive ei ny forteljing.
Billettar
Du kan kjøpe billettar på nettsida (sjå over, klikk på klokkeslettet), i kafeen på Ulstein Arena (Vikemyra 2, telefon 70 01 77 00, opningstider) og i Kinokiosken (ope 45 min før kvart arrangement).
Billettpris
Voksen kr 430,-
Gruppe (min. 10 stk) kr 350,-
Overnatting og mat
Sjøborg kulturhus er samlokalisert med Quality Hotel Ulstein og Pir Bar & Restaurant. Ynskjer du overnatting i samband med kulturarrangementet, finn du dei beste prisane på Quality Hotel Ulstein si nettside (ekstern lenke).
Ynskjer du å ete før arrangementet? Meny og bordbestilling gjer du enkelt på www.pirbarogrestaurant.no.
Har du behov for HC-plass? Ta kontakt med oss på e-post annika.brandal@ulstein.kommune.no, Kafeen i Ulstein Arena (Vikemyra 2, telefon 70 01 77 00, opningstider) eller Kinokiosken.
Ønskjer du å kjøpe eit større antal billettar samla, og få tilsendt faktura? Kontakt annika.brandal@ulstein.kommune.no.