Som aspirerende jazztrompetist retta han fort merksemda mot sjølve nestoren innen melodisk trompetspel, Chet Baker.

Hans uanstrengte og horisantale melodiføring over hyppige akkordskifter var djupt fascinerande. Ingen behov for å imponere eller flashe sin trompetbriljans. Han berre var musikken.

No ønsker Holum å dykke ned i Baker sitt musikalske univers. Han har plukka ut sine favoritter frå katalogen og tar på seg rollen som både trompetist, vokalist og bandleder. For å tolke musikken har han fått med seg eit stjernelag av lokale musikere og saman vil dei hylle «The Prince of Cool».

Vegard Holum - trompet og vokal
Norvald Dahl - piano
Lars Martin Vik - bass
Børre Dalhaug - trommer

Salen er rigga med flatt golv og småbord. Det er fritt seteval. For reservasjon av bord, kan de sende e-post til sjoborg@ulstein.kommune.no.

Billettar
Du kan kjøpe billettar på nettsida (sjå over, klikk på klokkeslettet), i kafeen på Ulstein Arena (Vikemyra 2, telefon 70 01 77 00) og i Kinokiosken (ope 45 min før kvart arrangement).

Billettpris
Ordinær kr 320,-