Kva fryktar vi? Kor lykkelege er vi? Kor mange drikk kaffi med mjølk kvar dag? Kvar er vi på veg? Det siste kan vi bruke eit heilt liv på å finne ut av, men Nilsi tek ein liten status no og gjer opp si meining.

Med utgangspunkt i byrået Ipsos si undersøking Norsk Monitor ser Nilsi på kven vi er, og i kva retning vi går. Han plukkar ut fellesnemnarar og kuriøse detaljar frå ei stor undersøking som blir gjennomført blant den norske befolkninga annakvart år. Alt i den leikne, morosame og sjølvironiske stilen vi kjenner att frå dei tidlegare framsyningane.

I 2015 sette han opp framsyninga «EGO», som handla om seg sjølv og sitt. I 2021 kom «Da var det oss», som handla om å gå frå éin til å bli to, for så å få livet midt i andletet, miste det kjæraste du har og prøve å gå vidare. I «Tenk det» handlar det om oss alle.

Billettar
Du kan kjøpe billettar på nettsida (sjå over, klikk på klokkeslettet), i kafeen på Ulstein Arena (Vikemyra 2, telefon 70 01 77 00, opningstider) og i Kinokiosken (ope 45 min før kvart arrangement).

Billettpris kr 495,-

Lengd: Omlag 75 min utan pause