Vi ventar fulle tribuner på stadion for å sjå vår eigen Karsten Warholm i aksjon i lag med mange av landets fremste friidrettsutøvarar. I enkelte felt blir det også internasjonal konkurranse. Dette blir ein ettermiddag med gode idrettsprestasjonar og flott stemning!

Amalie Iuel, Henriette Jæger, Sander Skotheim, Henrik Flåtnes og Sigrid Borge er døme på sterke namn som har stadfesta at dei kjem. Over 30 nasjonale og internasjonale eliteutøvarar er inviterte.

Karsten vil også delta i den offisielle opninga. I tillegg til «snorklipping» og helsingar blir det her ei mønstring av idretten i Ulstein.

Program
Kl. 14:00-15:00 Offisiell opning.
Kl. 15:00–ca 16:30 Elitestemne

Billettar
Du kan kjøpe billettar på nettsida (sjå over, klikk på klokkeslettet), i kafeen på Ulstein Arena (Vikemyra 2, telefon 70 01 77 00, opningstider) og i Kinokiosken (ope 45 min før kvart arrangement).

Billettpris
Vaksne kr 100,-
Barn u. 16 år kr 50,-

Dimna IL og Ulstein kommune gler seg stort til denne dagen og vi håpar du vil feire opninga av Karsten Warholm stadion i lag med oss!

Vi gler oss til å sjå Karsten Warholm i aksjon på heimebane.
Foto: Svein Sæterbø